प्रवासी नेपाली मञ्च स्पेनले अनलाइन तिज गायन प्रतियोगिता गर्ने

प्रवासी नेपाली मञ्च स्पेनले नेपाली महिलाहरुको महान पर्व हरितालिका तिजको अवसरमा अनलाइन तिज गीत गायन प्रतियोगिता गर्ने भएको छ । कोभिडको कारणले प्रत्यक्ष उपस्थित भएर कार्यक्रम गर्न सम्भव नभएकोले अनलाइन मार्फत प्रतियोगिता गर्न लागिएको मञ्चका महासचिव दिनेश राज रेग्मीले जानकारी दिनुभयो । यस प्रतियोगितामा सहभागी हुन चाहनेहरुले यही अगष्टको २५ तारिक भित्र गायनको भिडियो बनाएर पठाउनु पर्ने छ। । प्रतियोगिताको नतिजा सेप्टेम्वर ६ तारिकमा घोषणा गरिने छ । प्रतियोगिताका निर्णायकहरुमा चर्चित गायक गायिकाहरु विमलराज क्षेत्री, पुर्णकला विसी र बैकुन्ठ महत रहनुभएको छ । निर्णायकको ७० प्रतिसत मत र सामाजिक सञ्जालहरुमा आएको भ्युज र लाइकको ३० प्रतिसत मत रहने छ । प्रतियोगिताका विजेताहरु मध्ये प्रथम हुनेलाई २ सय युरो, दोस्रो हुनेलाई १ सय ५० युरो र तेस्रो हुनेलाइ १ सय युरो पुरस्कारको ब्यबस्था गरिएको छ । प्रतियोगितामा सहभागी हुने तिज गीत विशुद्ध तिज गीत हुने पर्ने छ भने यसरी पठाइएको गीतको भिडियो ५ मिनेटको हुनुपर्ने छ । यसमा सवै उमेरका महिला या पुरुष सहभागी हुन पाउने छन् । भेषभुषा र स्वर, लय र शब्दलाई प्राथमिकता दिइने छ । राजनैतिक, जातीय र अश्लिल शब्द रहीत गीत हुनुपर्ने छ । गीत ट्रयाक वा लाइभ म्युजिकमा गाउनु पर्ने छ । यसरी तयार गरिएको भिडियो Onfspaindigital@gmail.com इमेल ठेगानामा पठाउन आयोजकले अनुरोध गरेको छ । यस प्रतियोगिताको बारेमा थप जानकारीका लागि प्रवासी नेपाली मञ्चका निम्न ब्यक्तिहरुलाई सम्पर्क गर्न मञ्चले आग्रह गरेको छ ।
निर्मला तिवारी ६१२४३३६७०
अनन्त लामिछाने ६१०२८३३८७
दिनेश राज रेग्मी ६३२१४८३६५
हेम शेर्पा ६९७४५८२८८