स्पेन सरकारले नेपाललाई कोभिड बिरुद्ध लड्न १० लाख युरो वराबरको स्वास्थ्य सामाग्री सहयोग गरेको छ । स्पेन सरकारले दिएको सहयोग र स्पेनबासी नेपालीको तर्फबाट संकलन भएको स्वास्थ्य सामाग्री लिएर आइबेरिया एअरलाइन्सको चार्टर फ्लाइट म्याड्रिडबाट काठमाडौका लागि उडेको छ । स्पेन सरकारले ५ टन भनदा धेरै विभिन्न अत्याबश्यक स्वास्थ्य सामाग्री सहयोग गरेको नेपाली दुतावास म्याड्रिडले जनाएको छ । उक्त सहयोगमा १५ रेस्पिराटोर, १० अक्सिजन क्रन्सेन्ट्रेटर त्यसका लागि चाहिने अन्य पार्टसहरु, १ लाख ४४ हजार माक्स, १ लख २५ हजार एन्टिजेन टेस्ट लगायत रहेको छ । स्पेन सरकारले दिएको उक्त सहयोग लिएर राजदुत दावाफुटी शेर्पा नेपाल प्रस्थान गर्नु भएको छ । उक्त सहयोग नेपाल सरकारलाई हस्तान्तरणका लागि स्पेनिस सहयोग नियोगका निर्देशक म्याग्डी मार्टिनेज सहित ४ जना स्पानिस अधिकारी र पत्रकार समेटको टोली नेपाल प्रस्थान गरेको छ ।
कोभिडको दोस्रो लहरसँग जुधिरहेको नेपाललाई सहयोग गर्न नेपाली दुतावास म्याड्रिडले गरेको आग्रहलाई स्विकार्दै स्पेन सरकारले यो सहयोग गरेको हो । स्पेनबाट सहयोग नेपालका लागि उड्नुअघि बुधबार दिउसो नेपालका परराष्ट्रमन्त्री प्रदीपकुमार ज्ञवाली र स्पेनका विदेश मन्त्री अरन्चा गोल्जालेजबीच टेलिफोन बार्ता भएको थियो । उक्त अबसरमा पराराष्ट्रमन्त्री ज्ञवालीले नेपाललाई स्वास्थ्य सामाग्री सहयोग गरेकोमा स्पेन सरकारलाई धन्यवाद दिनुभएको थियो ।
एनआरएएनको तर्फबाट पनि सहयोग
एनआरएनको तर्फबाट पनि पहिलो चरणको स्वास्थ्य सामाग्री नेपाल पठाईएको छ । स्पेनको विभिन्न स्थानबाट सहयोग संकलन गरेर उक्त चार्टर फ्लाइट मार्फत नेपाल पठाउन सहयोग हस्तान्तरण गरिएको हो । १७ हजार भन्दा धेरै माक्स, सेनिटाइजर, पन्जा लगायतका सामाग्री विमानस्थलमै गएर हस्तान्तरण गरिएको एनआरएनए म्याड्रिडका अध्यक्ष सुजिल गोलेले जानकारी दिनुभयो । उक्त सामाग्री हस्तान्तरणका लागि एनआरएनए स्पेनका पुर्व अध्यक्ष एकराज गिरी, उपाध्यक्ष उत्तरकुमार राई, सचिव मेघनाथ ढकाल लगायत एअरपोर्ट पुग्नुभएको थियो । उक्त सहयोग सामाग्री म्याड्रिड कोस्टाब्लान्का लगायतका स्थानबाट संकलन गरिएको हो । कोस्टाब्लान्काबासीको तर्फबाट १० हजार माक्स लगायतका स्वास्थ्य सामाग्री एनआरएनए कोस्टाब्लान्काका अध्यक्ष सुरेन्द्र भुजेल थापा, नेपाल स्पेन समाज कोस्टाब्लान्काका बरिष्ठ उपाध्यक्ष निराजन लुईटेलले मंलगबार नै म्याड्रिड पुगेर हस्तान्तरण गर्नु भएको थियो । एनआरएनए स्पेनले यो पहिलो चरणको सहयोग नेपाल पठाएको हो । नेपालमा परेको दुखको समयमा थप सहयोग गर्न स्पेनभरीबाट सहयोग रकम संकलन भैरहेको एनआरएनए स्पेनका अध्यक्ष दिनेश गुरुङले बताउनुभयो ।
