आगामी साता स्पेनको भ्रमणमा आउन लाग्नु भएका राष्ट्रिय सभाका अध्यक्ष गणेशप्रसाद तिमिल्सेना सहितको टोलीलाई गैरआवासीय नेपाली संघ, स्पेनले बार्सिलोनामा स्वागत तथा अन्र्तक्रिया गर्ने भएको छ । स्पेनका विभिन्न क्षेत्रको अबलोकन तथा यहाँका नेपाली समुदायसँग भेटघाट गर्ने क्रममा सो टोली अप्रिलको ११ तारिक बार्सिलोनामा पुग्ने र एनआरएनएको तर्फबाट स्वागत तथा अन्र्तक्रिया गर्न लागिएको अध्यक्ष दिनेश गुरुङले जानकारी दिनुभयो । उहाँले बार्सिलोनाबासी नेपाली समुदाय तथा संघसंस्थाका प्रतिनिधी सहितको अन्र्तक्रिया कार्यक्रम गर्न लागिएको जानकारी दिनुभयो । यस कार्यक्रमको थप विवरण पछि सार्वजनिक गरिने उहाँले बताउनुभयो । राष्ट्रिय सभाका अध्यक्ष सहित लुम्बिनी क्षेत्रका मेयरहरुको उच्च स्तरीय टोली लुम्बिनी फाउन्डेशनको निमन्त्रणमा स्पेन आउन लागेको हो ।