गैरआवासीय नेपाली संघ स्पेनले नेपालमा तत्काल अत्याबश्यक स्वास्थ्य सामाग्री पठाउनका लागि स्पेनबासी नेपाली संग आर्थिक सहयोगको आब्हान गरेको छ । संघले शुक्रवार स्पेन स्थित विभिन्न संघसस्थाका प्रतिनिधी सहितको बैठक गरेर सहयोगका लागि औपचारिक आब्हान गरेको थियो । सर्बपक्षिय छलफलका आधारमा संघले छिटोभन्दा छिटो नेपालमा सहयोग गर्नुुपर्ने भएकोले सवै संघसस्था र स्पेनबासी नेपालीहरुलाई नेपालमा परेको अहिलेको दुखद घडिमा एकढिक्का भएर सहयोगको हात बढाउन आग्रह गरेको छ । नेपालमा र स्पेनमा विगतमा परेका दुखका समयमा स्पेनबासी नेपालीमा देखिएकोे एकता र सहयोगको स्मरण गर्दै संघले अहिले आफ्नो मातृभुमीमा परेको दुखको समयमा पनि त्यो एकतालाई प्रर्दशन गर्न आग्रह गरेको छ । संघले छिटो भन्दा छिटो सहयोग रकम संकलन गरेर नेपालमा अक्सिजन सिलिन्डर लगायतका अत्यावश्कीय स्वास्थ्य सामाग्री पठाइने जनाएको छ । संघले सबै संघसस्था र स्पेनबासी नेपालीहरुलाई सहयोग रकम संकलन गरेर एनआरएनए स्पेनको बैंक खातामा जम्मा गरी सहयोग गरिदिन आग्रह गरेको छ ।
सहयोगका लागि संघको बैंक खाता यसप्रकार रहेको छ ।
ES37 2100 2904 0402 3673 2783
La Caixa Bank
NRNA SPAIN
