गैर आवासीय नेपाली संघ, स्पेन क्षेत्रीय कमिटी कोस्टाब्लान्काको पहिलो अधिबेशन बिहिबार बेनीडर्ममा सम्पन्न भएको छ । अधिबेशनमा नयाँ कार्यकालको लागि मतदानको माध्यमबाट कार्यसिमती चयन गरिएको थियो । निर्वाचन समितीले दिएको निर्वाचनको अन्तिम मतपरिणाम अनुसार अध्यक्ष पदमा देवराज सापकोटालाई अर्का उमेद्वार अक्कलबहादुर बोहरालाई पराजित गर्दै विजयी हुनुभयो । यस्तै उपायक्षमा श्रीप्रसाद शेरचन विजयी हुनुु भएको छ । उहाँले अर्का उमेद्वार केसरबहादेर थापालाई पराजित गर्नु भएको हो । यस्तै सचिवमा अनुसिंह भण्डारीलाई पराजित गर्दै लक्ष्मण पाण्डे विजयी हुनु भएको छ । सहसचिवमा बालकुमार बुढामगरलाई पराजित गर्दै चक्रप्रसाद बेल्वासे विजयी हुनु भएको छ । कोषाध्यक्षमा झरना कार्की र महिला संयोजकमा मुना महत घिमिरे निर्विरोध निर्वाचित हुनुभएको छ । युवा संयोजकमा प्रविण सुवेदीलाई पराजित गर्दै ईश्वर बुढाथोकी विजयी हुनुभएको छ । यस्तै सदस्यहरुमा गंगा मुनिकर, धिरज पाण्डे, बिजया थापा, सन्देश नेपाल र सीमा सापकोटा निर्विरोध हुनुभएको छ । यस्तै क्षेत्रबाट प्रतिनिधित्व गर्ने एनसिसि सदस्यमा रीता आर्चाय पनि निर्विरोध निर्वाचित हुनुभएको छ ।
अधिबेशनमा नवनिर्वाचित कार्यसिमतीलाई पुर्व अध्यक्ष सुरेन्द्र भुजेल थापा र निर्वाचन समिती संयोजक लालबहादुर खत्री क्षेत्रीले प्रमाणपत्र वितरण गर्नु भएको थियो । पुर्व अध्यक्ष भुजेलले सहमतीमा नेतृत्व चयन गर्ने धेरै प्रयासहरु ग्र्दा पनि अन्त्यमा चुनावको बिधिबाट नै भएपनि स्वच्छ र निश्पक्ष रुपमा निर्वाचन गराएर कोस्टाब्लान्कामा एनआरएनएलाई संस्थागत गर्न सफल भएकोमा सवैलाई धन्यवाद दिनुभयो । कोस्टाब्लान्कामा ६ महिना अगाडी मात्रै क्षेत्रीय समितीको तदर्थ समिती गठन भएको थियो ।
