स्पेनको औषधी उत्पादक कम्पनी हिप्राले उत्पादन गर्न लागेको स्पेनको पहिलो कोभिड भ्याक्सिन पीएचएच -वान भी ले पहिलो क्लिनिकल ट्रायलका लागि अनुमती पाएको छ । स्पेनको सरकारले उक्त भ्याक्सिनको मानिसमा परिक्षणका लागि अनुमती दिएपछि तत्कालै पहिलो चरणमा १८ देखि ३० बर्ष उमेरमा ३० जनामा यसको परिक्षण गरिने छ । उक्त परिक्षण अहिलेसम्म अन्य भ्याक्सिन नलिएका ब्यक्तिमा गरिने छ । भण्डारणका लागि धेरै चिसो नचाहिने उक्त भ्याक्सिन सवै ठाँउमा लामो समयसम्मका लागि उपयोगी हुने अनुमान गरिएको छ । कम्पनिले कोरोनाको डेल्टा लगायतका अन्य भेरियन्टको लागि यो खोप थप प्रभावकारी हुने जनाएको छ । स्पेनको गिरोनामा रहेको हिप्रा कम्पनिले २०२२ सम्म ४०० मिलियन भ्याक्सिन उत्पादन गर्ने जनाएको छ भने २०२३ सम्म १ दशमलव २ बिलियन भ्याक्सिन उत्पादन गर्नेछ । प्रधानमन्त्री पेड्रो सान्चेजले यो कोरोना महामारीसँग लड्न निकै ठुलो कदम भएको बताएका छन् । स्पेनमा अहिलेसम्म ६० प्रतिसत नागरिकले पुर्ण रुपमा खोप पाइसकेका छन भने अहिले १२ वर्ष माथिकालाई पनि खोप दिन शुरु गरिएको छ ।
स्पेनको पहिलो कोभिड भ्याक्सिन मानव परिक्षणका लागि स्विकृत
![](https://usercontent.one/wp/www.spainnepal.com/wp-content/uploads/2021/01/coronavaccine-PTI-file-photo.jpg)