![](https://usercontent.one/wp/www.spainnepal.com/wp-content/uploads/2021/03/6CC7558B-67F0-4829-8661-247F837EAAAF-1024x488.jpeg)
काठमाडौं । मंगलबार (भोलि)देखि देशभरका सबै शैक्षिक संस्था बन्द हुने भएको छ । शिक्षा , विज्ञान तथा प्रविधि मन्त्रालयले देशभरका शिक्षण संस्था चार दिनका लागि बन्द गर्ने निर्णय गरेको हो ।
वायु प्रदूषणका कारण बालबालिकाको स्वास्थ्यमा गम्भीर असर पर्ने भन्दै मन्त्रालयले विद्यालय बन्द गर्ने निर्णय गरेको हो ।
गत शुक्रबारदेखि खासगरी काठमाडौं उपत्यकासहित देशका विभिन्न स्थानमा वायु प्रदूषनको मात्रा बढ्दो छ । जल तथा मौसमविद्का अनुसार लामो समयको खडेरीले हावा सुख्खा भएको छ र, हावाले पानी पार्ने बादलको साटो धुलो र धुँवा लिएर आएको छ । यसका साथै डढेलोका घटना बढेकाले वायु प्रदूषित भएको छ ।
शिक्षा, विज्ञान तथा प्रविधिमन्त्री कृष्णगोपाल श्रेष्ठको अध्यक्षतामा बसेको आकस्मिक बैठकले सम्पूर्ण शिक्षण संस्था बन्द गर्ने निर्णय गरेको हो ।
![](https://usercontent.one/wp/www.spainnepal.com/wp-content/uploads/2021/03/1E669FEB-A369-4778-A688-A4C55B5E84A2-641x1024.jpeg)