![](https://usercontent.one/wp/www.spainnepal.com/wp-content/uploads/2022/05/283414047_8328863533806534_6680241074364382012_n.jpg)
स्पेनमा बस्ने गुरुङ समुदायको संस्था तमु समाज समाज बार्सिलोनाको आयोजनामा आज (आईतवार) बार्सिलोनामा सेभेन ए साइड फुटवल प्रतियोगिता हुँदैछ । ‘शान्तिका लागि खेलकुद’ भन्ने नाराका साथ बुद्ध जयन्तीको अबसरमा हुन लागेको उक्त प्रतियोगितामा पोर्चुगल र स्पेनका विभिन्न क्षेत्रबाट ९ वटा नेपाली टिमको सहभागिता रहने समाजका अध्यक्ष गौतम गुरुङले जानकारी दिनुभयो । प्रतियोगितामा नेपालोना ए, नेपालोना बी, तमु समाज ए, तमु समाज बी, रोयल राइर्डस, एनआरएनए म्याड्रिड, एफसी कोस्टाब्लान्का, नेपजम एफसी पोर्चुगल र ओएनएफ स्पेनको सहभागिता रहने छ । बार्सिलोना स्थित Campo TARR, Vall d’Hebron Bcn मा हुने प्रतियोगिताको विजेतालाई ७०१ युरो तथा उपविजेतालाई ४०१ युरो पुरस्कार राखिएको छ । प्रतियोगितामा सर्वोस्त्कृष्ट खेलाडी, उत्कृष्ट गोलकिपर तथा सर्वाधिक गोलकर्ता खेलाडीलाई समेत पुरस्कारको ब्यवस्था गरिएको छ । प्रतियोगितामा सहभागी बन्नका लागि दर्ता शुल्क १५० युरो राखिएको छ ।
साथै उक्त अबसरमा नेपाली परिकार सहितका खानाका स्टलहरु राखिने र नेपाली मौलिक संस्कृति झल्काउने सांकृतिक नृत्यहरु समेत प्रस्तुत गरिने तमु समाजले जनाएको छ । बेलुका पाँच बजेदेखि शुरु हुने कार्यक्रममा सहभागी हुन सबै स्पेनबासी नेपालीहरुलाई तमु समाज बार्सिलोनाले अनुरोध गरेको छ ।