![](https://usercontent.one/wp/www.spainnepal.com/wp-content/uploads/2021/01/coronavaccine-PTI-file-photo-1024x683.jpg)
कोरोना महामारीको पाँचौ लहरको सामना गरिरहेको स्पेनले करिब ७० प्रतिसत जनसंख्यालाई खोप लगाएको छ । पछिल्ला दिनहरुमा कोभिड संक्रमण बढ्न थालेपछि स्पेन सरकारले जोखिममा रहेका समुहलाई तेस्रो डोज समेत दिने तयारी गरेको छ । युरोपेली एजेन्सीले ग्रिन सिग्नल दिएपछि स्पेनका स्वास्थ्य मन्त्रीले जोखिम समूहहरुको लागी खोपको तेस्रो डोज दिने संकेत गरे । स्पेनमा कोरोनाभाइरस महामारीको पाँचौं लहरका कारण अहिले दैनिक डाटाहरु खराब देखिदै गएका छन। केन्द्रीय स्वास्थ्य मन्त्रालयद्वारा प्रदान गरिएको भर्खरको रिपोर्ट अनुसार नयाँ संक्रमण, अस्पताल भर्ना दर घट्दै छन् तर कोभिड -१९ को कारण मृत्युको संख्या अझै बढिरहेको छ । कोरोनाभाइरसका बिरामीहरु गम्भीर संक्रमणको स्थितिमा छन। बुधवार १६३ जनाको मृत्यु थपिएको छ । मंगलवार भन्दा ३०२ घटेर बुधवार ७६५७ जनामा संक्रमण भएको छ । तर यो अझै पनि मे महिना पछि दोस्रो सबैभन्दा खराब डाटा हो । स्वास्थ्य मन्त्रालयले अगस्ट १५ देखि कुल १,२०० भन्दा बढीको कोभिड -१९ को कारणले मृत्युको जनाएको छ । सरकारले बुधवार केही वरिस्ठ अधिकारीहरुसँग तेस्रो डोजको बारेमा छलफल गरेको छ । यसको लागि स्पेनले यूरोपियन मेडिसिन एजेन्सी (EMA) को अनुमति पर्खिरहेको छ । तर EMA का प्रवक्ताको एउटा लिखित बयानमा तेस्रो डोजको बारेमा सिफारिश गर्न तत्काल कुनै बैठक योजना नगरिएको जनाइएको छ । तेस्रो डोज एउटा बूस्टर शट को रुपमा दिन लागिएको हो । अमेरिका लगाएतका केही देशहरुले बूस्टर शट दिन थालेका छन। स्पेनमा ६७. ३% जनसंख्यालाई पूर्ण खोपहरु प्रदान गरिएको छ भने जनसंख्या को ७५. ८% ले पहिलो डोज लिएका छन।
-एलपाइसबाट